ប្រទេសថៃផ្តល់តម្លៃយ៉ាងខ្ពស់ចំពោះ តេជោ សែន

 ប្រទេសថៃផ្តល់តម្លៃយ៉ាងខ្ពស់ចំពោះ តេជោ សែន

(ភ្នំពេញ)៖ ការរៀបចំស្ទង់មតិរបស់វិទ្យាស្ថាន NIDA របស់ថៃដើម្បីវាស់ស្ទង់ពីទឹកចិត្តប្រជាជនរបស់ខ្លួនចំពោះបុរសខ្លាំងកម្ពុជា តេជោ សែន គឺជាភស្តុតាងច្បាស់ក្រឡែតមួយដែលបញ្ជាក់ថា ប្រទេសថៃចាប់អារម្មណ៍ និងផ្តល់តម្លៃខ្លាំងបំផុតចំពោះមេដឹកនាំដ៏មានឥទ្ធិពលរបស់កម្ពុជា។ អ្វីដែលគួរកត់អោយសម្គាល់នៅត្រង់ថា ការរៀបចំស្ទង់មតិថ្នាក់ជាតិ នៅក្នុងចំណោមប្រជាពលរដ្ឋនៃប្រទេសមួយអំពីមេដឹកនាំប្រទេសមួយទៀត គឺជារឿងដ៏កម្រណាស់ ពីព្រោះជាទូទៅគ្មានហេតុផលអ្វីដែលត្រូវធ្វើបែបនេះនោះទេ។ ប៉ុន្តែចម្លែកអ្វីតែប្រទេសថៃ បែរជាអាចធ្វើរឿងបែបនេះបាន។

ព្រឹត្តិការណ៍នេះសបញ្ជាក់ឱ្យឃើញថា ថ្នាក់ដឹកនាំ អ្នកនយោបាយ និងប្រជាជនថៃ ពិតជាផ្តល់តម្លៃកម្រិតខ្ពស់ណាស់ដល់បុរសខ្លាំងកម្ពុជាគឺ តេជោ ហ៊ុន សែន។ ហេតុអ្វី?

ទី១៖ ប្រវត្តិសាស្ត្រកម្ពុជាពីអតីតកាលបង្ហាញថា សៀមតែងខ្ចីដៃអ្នកនយោបាយខ្មែរ ដើម្បីឱ្យច្បាំងគ្នាឯងរួច ហើយសៀមចាំតែទទួលផលចំណេញពីខ្មែររហូត។ ប៉ុន្តែ កម្ពុជាក្នុងសករាជតេជោ-ធិបតី គឺជាសម័យកាលតែមួយគត់ដែលធ្វើឱ្យសៀមបាក់អំនួត ក្រោមឥទ្ធិពលរបស់ថ្នាក់ដឹកនាំដ៏មានឥទ្ធិពលគ្មានគូប្រៀបរបស់កម្ពុជានៅក្នុងប្រវត្តិសាស្ត្រសម័យទំនើបជាង ៥០០ឆ្នាំចុងក្រោយ ចាប់តាំងពីក្រោយសម័យអង្គររហូតមក។

ទី២៖ តេជោ សែន ដែលពលរដ្ឋខ្មែរចាត់ទុកជារដ្ឋបុរសក្នុងបេះដូងរបស់ខ្លួន ពិតជាបានលះបង់ធំធេងណាស់សម្រាប់ប្រទេសជាតិ និងប្រជាជន។ សម្តេចតេជោ ហ៊ុន សែន គឺជាមេដឹកនាំដែលបានបិទបញ្ចប់សង្គ្រាមស៊ីវិលជិត ៣០ឆ្នាំ និងបានទាញប្រទេសនិងប្រជាពលរដ្ឋខ្មែរចេញពីរណ្តៅមរណៈ ហើយបានប្រែក្លាយប្រទេសពីគំនរផេះផង់ទៅជាប្រទេសដែលមានការលូតលាស់យ៉ាងលឿនជាងគេមួយក្នុងតំបន់បើធៀបនឹងការចេញដំណើរ។ តេជោ សែន មិនត្រឹមតែជាមេដឹកនាំខ្លាំងពូកែសម្រាប់កម្ពុជាប៉ុណ្ណោះទេតែក៏ជាមេដឹកនាំដ៏មានបទពិសោធន៍ដែលបណ្តាប្រទេសក្នុងតំបន់ទទួលស្គាល់ កោតសរសើរ និងគោរព។

ទី៣៖ មិនថាសមរភូមិយោធា សមរភូមិនយោបាយផ្ទៃក្នុង ឬសមរភូមិការទូតឡើយ សម្តេចតេជោ ហ៊ុន សែន បានឆ្លងកាត់គ្រប់រស់ជាតិនិងគ្រប់ដំណាក់កាល ហើយសុទ្ធតែទទួលបានជោគជ័យ មិនថាវិញ្ញាសារនោះមានលក្ខណៈលំបាកស្មុគស្មាញនិងគ្រោះថ្នាក់យ៉ាងណាក៏ដោយ។ នៅក្នុងជម្លោះព្រំដែនជាមួយថៃ រដ្ឋាភិបាលកម្ពុជាដែលមាន សម្តេចធិបតី ហ៊ុន ម៉ាណែត ជានាយករដ្ឋមន្ត្រី និងតេជោ សែន ជាប្រធានព្រឹទ្ធសភា បានដាក់ចេញវិធានការឆ្លើយតបយ៉ាងមានប្រសិទ្ធភាពដែលធ្វើឱ្យថៃភ្ញាក់ផ្អើលនិងភ្លឺភ្នែកជាបន្តបន្ទាប់។

ទី៤៖ សម្តេចតេជោ ហ៊ុន សែន គឺជាមេដឹកនាំកម្ពុជាដែលស្គាល់ប្រទេសថៃ និងអ្នកនយោបាយថៃច្បាស់ដូចបាតដៃ ហើយពាក្យសម្តីមួយម៉ាត់ៗរបស់លោកអាចធ្វើឱ្យអ្នកនយោបាយជាន់ខ្ពស់ថៃញាក់សរសៃរហូតដល់អ្នកខ្លះហ៊ានអះអាងថា សម្តេចតេជោ ហ៊ុន សែន លូកចូលកិច្ចការផ្ទៃក្នុងរប់សថៃថែមទៀតផង។ ការចោទប្រកាន់បែបនេះគឺមកពីពួកគេទទួលស្គាល់ ឥទ្ធិពលដ៏ខ្លាំងក្លារបស់តេជោសែន ដោយខ្លួនឯង។ តាមការពិតអ្វីដែលមេដឹកនាំកម្ពុជាបានលើកឡើងគ្រាន់តែជាវិធីសាស្ត្រឆ្លើយតបដើម្បីការពារកម្ពុជាពីការឈ្លានពានតែប៉ុណ្ណោះ។

ទី៥៖ សម្តេចតេជោ ហ៊ុន សែន ហ៊ានរហូតដល់ព្យាករអំពីការផ្លាស់ប្តូរនាយករដ្ឋមន្ត្រីក្នុងអំឡុងពេលយ៉ាងយូរបីខែខាងមុខ និងបានបង្ហើបជាមុនថា លោកបានដឹងថា តើនរណាជានាយករដ្ឋមន្ត្រីថ្មីថែមទៀតផង។ ការព្យាករណ៍ដ៏ច្បាស់លាស់ទាំងនេះបានធ្វើឱ្យសង្គមថៃទាំងមូលនៅមិនសុខទេពីព្រោះតែសម្តីដ៏មានឥទ្ធិពលនិងត្រឹមត្រូវគ្មានខុសរបស់មេដឹកនាំខ្មែរ ដែលធ្វើឱ្យថៃរឹតតែយល់ពីឥទ្ធិពលនិងនយោបាយស៊ីជម្រៅកម្រិតខ្ពស់របស់បុរសខ្លាំងកម្ពុជា។

ទាំងនេះ គឺជាហេតុផលដែលរដ្ឋាភិបាលថៃបានសម្រេចចិត្តធ្វើការស្ទង់មតិអំពី សម្តេចតេជោ ហ៊ុន សែន ក្នុងចំណោមប្រជាពលរដ្ឋរបស់ខ្លួន។ ការស្ទង់មតិនេះទំនងជាថៃចង់បន្សាបឥទ្ធិពលរបស់ សម្តេចតេជោ ហ៊ុន សែន ពីក្នុងសតិអារម្មណ៍ប្រជាជនរបស់ខ្លួន ប៉ុន្តែផ្ទុយស្រឡះពីនេះ ក្រុមអ្នកវិភាគបានមើលឃើញថា នេះគឺជាការផ្តល់តម្លៃកាន់តែខ្លាំងរបស់ថៃទៅលើ សម្តេចតេជោ ហ៊ុន សែន ទៅវិញទេពីព្រោះពាក្យសម្តីតែប៉ុន្មានម៉ាត់របស់បុរសខ្លាំងកម្ពុជាបានធ្វើឱ្យថៃវង្វេងរហូតដល់រៀបចំការស្ទង់មតិផ្ទៃក្នុងដែលមិនគួរនឹងធ្វើបែបនេះទាល់តែសោះ។

លទ្ធផលនៃការស្ទង់មតិនេះបានបង្ហាញថា អ្វីដែលមេដឹកនាំកម្ពុជាបាននិងកំពុងធ្វើដើម្បីប្រឆាំងការឈ្លានពានរបស់ថៃពិតជាត្រឹមត្រូវដែលធ្វើឱ្យប្រជាពលរដ្ឋថៃមួយចំនួនមិនសប្បាយចិត្ត ប៉ុន្តែប្រជាពលរដ្ឋខ្មែរបែរជាសាទរនិងគាំទ្រយ៉ាងខ្លាំង។ ជាក់ស្តែង ការស្ទង់មតិមួយដែលធ្វើឡើងដោយវិទ្យាស្ថានចក្ខុវិស័យអាស៊ី (AVI) កាលពីថ្មីៗនេះបានបង្ហាញថា ស្ទើរតែ ១០០% នៃប្រជាពលរដ្ឋខ្មែរគាំទ្រចំណាត់ការរបស់រាជរដ្ឋាភិបាលចំពោះជម្លោះព្រំដែនជាមួយថៃពិសេសការនាំយកសំណុំរឿងមុំបី ប្រាសាទតាមាន់តូច តាមាន់ធំ និងតាក្របី ទៅតុលាការយុត្តិធម៌អន្តរជាតិ។ សរុបមកវិញ លទ្ធផលនៃការស្ទង់មតិនៅកម្ពុជានិងនៅប្រទេសថៃបានបង្ហាញយ៉ាងច្បាស់ថា សម្តេចតេជោ ហ៊ុន សែន គឺជាមេដឹកនាំដ៏ខ្លាំងពូកែរបស់ខ្មែរដែលទទួលបានការគាំទ្រភ្លូកទឹកភ្លូគដីពីប្រជាពលរដ្ឋរបស់ខ្លួន ខណៈដែលសង្គមថៃកំពុងបែកបាក់ និងវង្វេងរហូតហ៊ានរៀបចំការស្ទង់មតិមួយដែលមិនគួរធ្វើ។ នេះមានន័យថា ថៃរវល់តែគិតរឿងឥទ្ធិពលរបស់តេជោ សែន រហូតភ្លេចគិតដោះស្រាយបញ្ហាផ្ទៃក្នុងរបស់ខ្លួន។ តើនេះមិនមែនជាការផ្តល់តម្លៃយ៉ាងខ្ពស់បំផុតពីសំណាក់ប្រទេសថៃដល់តេជោ សែន ទេឬ?

ដោយ វង្ស មករា

សាស្ត្រាចារ្យ

សូមអានបន្ត

ប្រសាសន៍សំខាន់ៗរបស់ សម្តេចមហាបវរធិបតី ហ៊ុន ម៉ាណែត អញ្ជើញសម្ពោធសមិទ្ធផលក្នុងវិស័យអប់រំ ជាអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត នៅទូទាំងខេត្តកំពង់ស្ពឺ

 ប្រសាសន៍សំខាន់ៗរបស់ សម្តេចមហាបវរធិបតី ហ៊ុន ម៉ាណែត អញ្ជើញសម្ពោធសមិទ្ធផលក្នុងវិស័យអប់រំ ជាអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត នៅទូទាំងខេត្តកំពង់ស្ពឺ

(កំពង់ស្ពឺ)៖ នៅព្រឹកថ្ងៃអង្គារ ១៣កើត ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែកក្កដា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញសម្ពោធសមិទ្ធក្នុងវិស័យអប់រំ មានដូចជាអគារសិក្សា អគារ​ទីចាត់ការ និងអគារស្នាក់នៅនៅតាមសាលានានា ទូទាំងខេត្តកំពង់ស្ពឺ សរុបចំនួន ១១ខ្នង ស្មើនឹង ១៤៩បន្ទប់។ សមិទ្ធផលដែលសម្ពោធដាក់ឱ្យប្រើប្រាស់​នាព្រឹកថ្ងៃនេះជាអំណោយដ៏ថ្លៃថ្លារបស់ សម្តេចតេជោ ហ៊ុន សែន ប្រធានព្រឹទ្ធសភា និង​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។

សូមអានបន្ត

សម្តេចក្រឡាហោម ស ខេង អញ្ជើញចូលរួមថ្វាយព្រះរាជដំណើរ ព្រះមហាក្សត្រ និងសម្តេចព្រះមហាក្សត្រី ព្រះវររាជមាតាជាតិខ្មែរ យាងទៅកាន់ទីក្រុងប៉េកាំង ដើម្បីពិនិត្យ និងព្យាបាលព្រះរាជសុខភាព

   

 នាព្រឹកថ្ងៃអង្គារទី០៦ ខែតុលា ឆ្នាំ២០២០នេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញចូលរួមថ្វាយព្រះរាជដំណើរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ក្នុងព្រះរាជដំណើរស្តេចយាង ទៅកាន់ទីក្រុងប៉េកាំង សាធារណរដ្ឋប្រជាមានិតចិន ដើម្បីពិនិត្យ និងព្យាបាលព្រះរាជសុខភាព។

      យាង និងអញ្ជើញថ្វាយព្រះរាជដំណើរព្រះករុណាជាអម្ចាស់ជីវិតលើត្បូង និងសម្ដេចព្រះវររាជមាតា នាឱកាសដ៏ឧត្តុងឧត្តមនេះ រួមមានសម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា សម្តេចចៅហ្វាវាំងវរវៀងជ័យ អធិបតីស្រីង្គារ គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំង សម្ដេចវិជ័យសេនា ទា បាញ់ ឧបនាយករដ្ឋមន្ត្រី រដ្ឋមន្ដ្រីក្រសួងការពារជាតិ ព្រមទាំងឯកឧត្តម លោកជំទាវ ជាថ្នាក់ដឹកស្ថាប័នជាតិសំខាន់ៗ ជាច្រើនរូបទៀតផងដែរ។

      ក្នុងព្រះរាជសារ ព្រះករុណាជាអម្ចាស់ជីវិតលើត្បូង និងក្នុងព្រះបរមនាម សម្ដេចព្រះមហាក្សត្រី បានមានព្រះរាជបន្ទូលប្រទានជូនសម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា ទទួលជួយព្រះអង្គ ក្នុងឋានៈជាប្រមុខរដ្ឋស្ដីទី ក្នុងឱកាសព្រះអង្គអវត្តមាន៕

ដោយ៖ នាយកដ្ឋានព័ត៌មានវិទ្យា

សូមអានបន្ត

ពីធីបុណ្យកឋិនទានសាមគ្គី

 

ខ្ញុំព្រះករុណាយើងខ្ញុំជាអាចារ្យគណៈកម្មការនិងពុទ្ធបរិស័ទចំណុះជើងវត្តព្រមទាំងសប្បុរសជនជិតឆ្ងាយ ទទួលបានមូលមតិគ្នាផ្ដើមធ្វើពិធីបុណ្យកឋិនទានសាមគ្គីដើម្បីដង្ហែទៅវេរប្រគេនព្រះសង្ឃដែលគង់ចាំព្រះវស្សា អស់ត្រីមាសក្នុងពទ្ធសីមា វត្តមុនីកោះសីស្ថិតក្នុងឃុំប្រាំបីមុម  ស្រុកថ្កងខេត្តកំពង់ស្ពឺ អាស្រ័យដូចបានប្រគេននិងជម្រាបជូនខាងលើនេះសូមគោរពអញ្ជើញនិងនិមន្តយាងសម្ដេចទ្រង់ឯកឧត្តម អ្នកឧកញ៉ា លោកជំទាវលោកលោកស្រីអ្នកនាងកញ្ញាសប្បុរសជននិងពុទ្ធបរិស័ទទាំងអស់មេតា អញ្ជើញចូលរួមជាភ្ញៀវកិត្តិយសក្នុងពិធីបុណ្យកឋិនទានសាមគ្គីនេះឲ្យបានអធិកអធមនិងសូមចូលរួមចាប់មគ្គផលតាមសទ្ធាជ្រះថ្លា រៀងៗខ្លួនកុំបីអាក់ខានឡើយ ។                       

                           កម្មវិធីបុណ្យ 

ថ្ងៃចន្ទ 3 រោចខែអស្សុជឆ្នាំជូតទោស័កពស 2564 ត្រូវនឹងថ្ងៃទី 5 ខែតុលាឆ្នាំ 2020 

វេលាម៉ោង 3:00 នាទីរសៀលទទួលបដិសណ្ឋារកិច្ចភ្ញៀវកិត្តិយសជិតឆ្ងាយ

វេលាម៉ោង 5:30 នាទីល្ងាចធ្វើបទនមស្សការព្រះរតនត្រ័យ សមាទានសិល និងនិមន្តព្រះសង្ឃចម្រើនព្រះបរិត្តនិងសម្ដែងធម៌វិសេសទេសនា  

នៅវត្តទួលទំពូង ។

លុះដល់ថ្ងៃអាទិត្យ 9រោត្រូវនឹងថ្ងៃទី 11 ខែឆ្នាំដដែល

វេលាម៉ោង 7:00 នាទីព្រឹកប្រគេនយាគូដល់ព្រះសង្ឃ 

វេលាម៉ោង 10:00 នាទីព្រឹកធ្វើបទនមស្សការទានសីលនឹងវេភត្តហារប្រគេន ព្រះសង្ឃ 

វេលាម៉ោង 10:00 នាទីរសៀលរៀបចំដង្ហែអង្គកឋិនទាន ប្រទក្ស័ណ 3ជុំព្រះវិហារ ព្រះវិហារ រួចវេអង្គកឋិនទានប្រគេនព្រះសង្ឃ ក្រាលគ្រងជាកិច្ចបង្ហើយបុណ្យ។

                      

                           កម្មវិធីបុណ្យ

-លោកឧកញ៉ា សូមធឿន  និងលោកឧកញ៉ាយូលីម ព្រមទាំងបុត្រ

-ឯកឧត្តម នាយឧត្តមសេនីយ៍  សេងផល្លី និង លោកជំទាវ យីធារី ព្រមទាំងបុត្រ

- ឯកឧត្តម នាយឧត្តមសេនីយ៍ឯក

មនោសែន  និង លោកជំទាវ មុំសូលីដាព្រមទាំងបុត្រ 

-ឯកឧត្តម ជាច័ន្ទ និង លោកជំទាវ បុប្ផាផានី ព្រមទាំងបុត្រ

លោកជំទាវម៉ក់វណ្ណស៊ីថា និង ស្វាមីព្រមទាំងបុត្រ 

-ឯកឧត្តម ឧត្តមសេនីយ៍ទោ ណូកខាន់និង លោកជំទាវ ព្រមទាំងបុត្រ

-ឯកឧត្តម ឈុនចាន់សុខា និងលោកជំទាវ ព្រមទាំងបុត្រ

- ឯកឧត្តម   ឃិន សុវលក្ខណ៍  និង    លោកជំទាវ  ព្រមទាំងបុត្រ 

-លោក មាសជន្មហេង និងលោកស្រី វិនសុគន្ធា ព្រមទាំងបុត្រ

-លោក ឡាយកន ប្រធានក្រុមប្រឹក្សាស្រុក និង ភរិយា ព្រមទាំងបុត្រ

-លោក គាវ លាងគា អភិបាលនៃគណៈអភិបាលស្រុកថ្កង និងភរិយាព្រមទាំងបុត្រ 

-លោក ហ៊ុនសុខហុនអធិការស្រុកថ្គង និង ភរិយាព្រមទាំងបុត្រ

-លោក ឈនសុគង់ មេបញ្ជាការកងរាជអាវុធហត្ថស្រុកថ្គង និងភរិយាព្រមទាំងបុត្រ 

ឧបាសិកា រិនកៀន ឧបាសិកា សេងហ៊ួឧបាសិកា សេកសាញ់ ឧបាសិកា តឿនឡាន អមលាំង

-លោក នូសាហុង និង លោក ស្រីលាងរុំព្រមទាំងបុត្រ

-លោក ស្រីចាន់ សុកថា ព្រមទាំងបុត្រ។

សូមអានបន្ត

លោក ហ៊ុន ម៉ានី៖ ពេលជីវភាពប្រចាំថ្ងៃរបស់ប្រជាពលរដ្ឋរងការប៉ះពាល់ មានតែគណបក្សប្រជាជនកម្ពុជាទេដែលនៅជាប់ជាមួយពលរដ្

 

(ភ្នំពេញ)៖ ថ្លែងបទអន្តរាគមន៍ក្នុងសម័យប្រជុំរដ្ឋសភាលើកទី៥ នីតិកាលទី៦ នាព្រឹកថ្ងៃទី៥ ខែតុលា ឆ្នាំ២០២០នេះ លោក ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា បានរំលឹកនូវអ្វីដែលជាឆន្ទៈ និងភាពចាស់ទុំ នៃការដឹកនាំរបស់គណបក្សប្រជាជន បានបញ្ជាក់ថា «ខណៈដែលជីវភាពប្រចាំថ្ងៃរបស់ប្រជាពលរដ្ឋ រងការប៉ះពាល់មិនមានគណបក្សណាផ្សេង ក្រៅពីគណបក្សប្រជាជនកម្ពុជា ដែលតែងតែនៅជាប់ជាមួយប្រជាពលរដ្ឋនោះទេ»។

ការលើកឡើងនេះ បានឆ្លុះបង្ហាញពីការយកចិត្តទុកដាក់ និងភាពទទួលខុសត្រូវខ្ពស់របស់រាជរដ្ឋាភិបាល ក្នុងការគ្រប់គ្រងផលប៉ះពាល់ នៃវិបត្តិកូវីដ-១៩ ទាំងលើផ្នែកសុខភាពសាធារណៈ ទាំងផ្នែកសេដ្ឋកិច្ច ជាពិសេសលើការរៀបចំកញ្ចប់ថវិការបស់រាជរដ្ឋាភិបាល សម្រាប់ជួយដល់ប្រជាពលរដ្ឋ (បុគ្គលិក ផ្នែកទេសចរណ៍ និងបដិសណ្ឋារកិច្ច កម្មករ កម្មការិនី) ដែលបានបាត់បងចំណូល ប្រចាំខែរបស់ខ្លួន ដោយសារវិបត្តិកូវីដ-១៩ និងការផ្តល់សាច់ប្រាក់ឧបត្ថម្ភ ដល់ប្រជាពលរដ្ឋក្រីក្រ និងងាយរងគ្រោះ ដែលគិតមកដល់ពេលនេះបានជាង៦៣១,០០១គ្រួសារ។

ទន្ទឹមនេះ លោក ហ៊ុន ម៉ានី បានបញ្ជាក់ថា ភាពជោគជ័យមកដល់ថ្ងៃនេះ អាចកើតមានឡើងដោយសាររាជរដ្ឋាភិបាល មានការចូលរួមគាំទ្រពីគ្រប់ភាគីទាំងអស់។ ឆ្លៀតក្នុងឱកាសនេះ លោក ហ៊ុន ម៉ានី បានថ្លែងអំណរគុណដល់មន្ត្រីរាជការទាំងអស់ ទាំងថ្នាក់ជាតិ និងថ្នាក់ក្រោមជាតិ ដែលបានខិតខំពុះពារអនុវត្ត គោលនយោបាយរបស់រាជរដ្ឋាភិបាល ក្នុងដំណាក់កាលនេះ ក្នុងនោះ៖

*ទី១៖ ក្រសួងសុខាភិបាល លោកគ្រូ អ្នកគ្រូពេទ្យ ដែលជាអ្នកឈរនៅបន្ទាត់ទី១ ក្នុងការទប់ស្កាត់ការរីករាលដាលជំងឺកូវីដ-១៩

*ទី២៖ លោកគ្រូ អ្នកគ្រូ ដែលបានចូលរួមអនុវត្តដោយឆន្ទៈ តាមការណែនាំរបស់ក្រសួងអប់រំ យុវជន និងកីឡា និងការបន្តអប់រំ បណ្តុះបណ្តាលធនធានរបស់កម្ពុជា

*ទី៣៖ អាជ្ញាធរដែនដីគ្រប់ទី ទាំងដែលបានគ្រប់គ្រងសណ្តាប់ធ្នាប់ និងសម្របសម្រួលចរាចរណ៍ ដើម្បីអនុញ្ញាតឲ្យប្រជាពលរដ្ឋអាចធ្វើដំណើរប្រកបដោយសុខ សុវត្ថិភាព និងរីករាយក្នុងក្រុមគ្រួសារ នាឱកាសថ្ងៃសម្រាកសងចូលឆ្នាំខ្មែរ និងបុណ្យភ្ជុំបិណ្ឌ

*ទី៤៖ កងកម្លាំងប្រដាប់អាវុធគ្រប់ទិសទី ក្នុងនោះកងកម្លាំង ដែលនៅតាមបន្ទាត់ព្រំដែន

*ទី៥៖ ប្រជាពលរដ្ឋដែលបន្តជឿជាក់ និងចូលរួមសហការគាំទ្រ អនុវត្តស្របតាមគោលការណ៍ណែនាំរបស់រាជរដ្ឋាភិបាល។

ជាចុងក្រោយ លោក ហ៊ុន ម៉ានី បានសំណូមពរដល់ប្រជាពលរដ្ឋទាំងអស់ សូមបន្តជឿជាក់លើ គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រមុខ ដោយក្នុងនោះលោកបានសង្កត់ធ្ងន់ថា «មានតែគណបក្សប្រជាជនកម្ពុជាទេ ដែលមានភាពចាស់ទុំ មានភាពទទួលខុសត្រូវខ្ពស់ មានបទពិសោធន៍ មានចក្ខុវិស័យវែងឆ្ងាយ មានគោលនយោបាយច្បាស់លាស់ ដោយដាក់ផលប្រយោជន៍ប្រទេសជាតិ និងប្រជាជនជាចម្បង និងមានធនធានគ្រប់គ្រាន់ ក្នុងការអនុវត្តការងារ ហើយតែងតែនៅជាប់ជាមួយប្រជាជនគ្រប់កាលៈទេសៈទាំងអស់ និងបន្តរួមដំណើរទៅមុខជាមួយគ្នា នាំកម្ពុជាឆ្ពោះទៅវិបុលភាព ក្នុងនាមប្រជាជាតិតែមួយ»៕

សូមអានបន្ត

ការស្ថាបនាផ្លូវទាំង៣៨ខ្សែនៅក្រុងសៀមរាប អាចនឹងយកបទពិសោធន៍បច្ចេកទេសខ្លះពីក្រុងព្រះសីហនុ

(ព្រះសីហនុ)៖ លោក ទៀ សីហា អភិបាលខេត្តសៀមរាប បានដឹកនាំប្រតិភូរដ្ឋបាលខេត្ត និងមន្ទីរជំនាញពាក់ព័ន្ធជុំវិញខេត្ត ចុះទៅធ្វើទស្សនកិច្ចដោយផ្ទាល់ និងទទួលការចែករំលែកបទពិសោធន៍បច្ចេកទេសក្នុងការស្តារ និងស្ថាបនាផ្លូវនៅក្រុងព្រះសីហនុ ដើម្បីដើម្បីជាមូលដ្ឋានក្នុងការអនុវត្តគម្រោងស្ថាបនាហេដ្ឋារចនាសម្ពន្ធផ្លូវចំនួន ៣៨ខ្សែ នៅក្រុងសៀមរាប។

ដំណើរទស្សនកិច្ចនេះ ត្រូវបានធ្វើឡើងចាប់ពីថ្ងៃទី៣-៤ ខែតុលា ឆ្នាំ២០២០ ដោយមានការចូលរួមពីសំណាក់អភិបាលក្រុងសៀមរាប ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ប្រធានមន្ទីរសាធារណការ និងដឹកជញ្ជូន ព្រមទាំងក្រុមការងារជំនាញពាក់ព័ន្ធមួយចំនួនទៀត។

លោក ទៀ សីហា បានថ្លែងអំណរគុណចំពោះលោក គួច ចំរើន អភិបាលខេត្តព្រះសីហនុ និងលោក លី រស្មី អគ្គនាយករងនៃអគ្គនាយកដ្ឋានសំណង់ ក្រសួងរៀបចំដែនដី នគរូបនីយកម្ម និងសំណង់ ព្រមទាំងក្រុមការងារ ដែលបានចែករំលែកនូវបទពិសោធន៍បច្ចេកទេសជាច្រើនក្នុងការស្តារ និងស្ថាបនាផ្លូវនៅក្រុងព្រះសីហនុ ដល់ប្រតិភូមកពីខេត្តសៀមរាប។

អភិបាលខេត្តសៀមរាបបានបញ្ជាក់ថា បទពិសោធន៍បច្ចេកទេសជាច្រើននេះបានផ្ដល់ជាមូលដ្ឋានមួយចំនួន ក្នុងការយកទៅអនុវត្តក្នុងគម្រោងស្ថាបនាហេដ្ឋារចនាសម្ពន្ធផ្លូវចំនួន ៣៨ខ្សែ នៅក្រុងសៀមរាប។

សូមជម្រាបថា រាជរដ្ឋាភិបាលកម្ពុជាបានសម្រេចបញ្ចេញកញ្ចប់ថវិកាចាប់ពី ១០០-១៥០ លានដុល្លារអាមេរិក សម្រាប់អនុវត្តគម្រោងអភិវឌ្ឍន៍ហេដ្ឋារចនាសម្ពន្ធផ្លូវចំនួន ៣៨ខ្សែ នៅក្នុងក្រុងសៀមរាប ក្នុងគោលដៅលើកកម្ពស់ការបម្រើសេវាជូនប្រជាពលរដ្ឋ និងភ្ញៀវទេសចរនៅក្នុងក្រុងសៀមរាប និងធ្វើឱ្យក្រុងសៀមរាបក្លាយទៅជាទីក្រុងទេសចរណ៍កម្រិតពិភពលោក។

ផ្លូវដែលត្រូវធ្វើការស្ថាបនា និងកែលម្អឡើងវិញទាំងអស់នោះ នឹងត្រូវធ្វើឱ្យក្លាយទៅជាផ្លូវដែលមានមេត្រីភាពជាមួយវប្បធម៌ ប្រវត្តិសាស្រ្ត និងទេសចរណ៍ ដោយស្របតាមរូបសាស្រ្តទីក្រុង និងត្រូវមានការគិតគូរជាប្រព័ន្ធលើគ្រប់ទិដ្ឋភាព ដូចជា ប្រព័ន្ធលូទឹកកខ្វក់ លូទឹកភ្លៀង ចិញ្ចើមផ្លូវ ផ្លូវថ្មើរជើង ផ្លូវសម្រាប់ជនពិការ ផ្លូវជិះកង់ ចំណតរថយន្ត ប្រព័ន្ធភ្លើងបំភ្លឺផ្លូវសាធារណៈ ផ្លាកសញ្ញា និងគំនូសចរាចរណ៍ ប្រព័ន្ធកាមេរ៉ាសុវត្ថិភាព អាងចម្រោះទឹកកខ្វក់ សួនច្បារ និងសួនដាំដើមឈើជាដើម៕

សូមអានបន្ត